Mypacemarket IIjmio 8/16/31/61天日本卡 (2023)

By 梁潮偉 Last updated Nov 11, 2023

張卡應該係 mypacemarket 獨家貨. 因為張卡個封面都係有佢個名. 有8日, 16日, 31同61日既選擇. 最大賣點係8日已經包30GB data, 同日本 IP 超低ping 屬於本地卡. IIJmio 係日本牌子, 係日本係有出sim 卡既營運商. 張卡係需要輸入APN 先用得.

APN設定

名稱：ajc

APN：ppsim.jp

使用者名稱：ajc

密碼：ajc

驗証類型：PAP或CHAP

張卡係行IIJmio 品牌既Docomo network , 即係你必需注意, 你部手機有無 support band 19. 否則係會係郊區地方斷線. 2019年個陣不過營運商Docomo 對每日用多過3-4GB 既人會限速. 一限左速就要等2日先會正常番. 2022年嘅新卡聲稱無呢個問題.

因為係日本apn既卡, 佢同其他香港買到既sim 卡比較, ping time 係好低. 對打手機game既人黎講係絕對優點黎.

因為出品係IIJmio, 唔算係大品牌, 所以download speed/upload 可以大上大落, 人多或者peak time 可以好大差別. 下面大部份慢嘅speed test, 都係中午到下午時間. 慢個陣亦可以跌落3Mbs 以下. 而係off peak time 係快到可以80mb/s 以上. 不過佢最大優勢係用日本 IP, 同ping 值超低, 而且超多data, 打機同自駕遊就好啱用. 不過要注意嘅係, 呢張卡係京都用係特別差. 如果要去京都嘅話, 唔好用呢張卡 (睇回報 #57)

呢張卡我有2個用途, 主要係要黎當後備 data尿袋用 + data 速度唔係考慮範圍內, 同自駕個陣用. 即係我有另一張主卡係速度好好不過data 唔多. 呢張IIJmio卡係插左係我私人買嘅齋機Docomo U50 5G wifi 蛋內. 我9成時間都係駁住呢隻wifi 蛋亂咁用. 因為data 多. 當我突然有一刻需要data 快速嘅話, 我會斷wifi 用電話內另一張主卡嘅data. (我平時去日本都係必定一張快速但data 少嘅主卡 + 一隻大量data 嘅後備wifi 蛋, 2個人用.) 因為 IIJmio 張卡得2個特點, 就係多data 同低ping. 速度唔係佢嘅優點黎.

亦即係話, 如果你係需要穩定而快速嘅data speed 而不論時間嘅話, 呢張卡唔會啱你用, 你如果諗住只買一張sim 卡去日本嘅話, 呢張卡亦唔會啱你用. 呢張卡係需要你買多一張sim 做後備. 不過現時要有咁嘅data 量同低ping 的話, 得日系wifi 蛋而且價錢係double. Comst 張卡要 match 到個data 量嘅話要3-4倍價錢. 亦所以我話, 呢張卡係適合做後備data 尿袋. 或者適合唔care data 速度不過需要大量data 嘅主卡咁用.

講多一次, 張卡俾成50GB data 又低ping, 而價錢咁平係有原因, 就係佢速度係時快時慢. 你要穩定速度嘅話而match 到呢張卡嘅data 量, 係2-4倍價錢以上. 你買得呢張卡要抵食夾大件你要清楚你慳錢就會有個drawback. 我自己個人用呢張卡個陣, 我係仲有多一張卡跟身. 當呢張卡connection 唔得個陣, 我會跳去另一張卡.

#回報 #63 (八阪神社, 2023 Mar)