日本Sim卡懶人包

0 140,334

香港可以買到既日本Sim 卡有好多種.  主要係分有限數據, 同無限數據兩大類.  呢d sim 卡由$70 ~ $330 不等.  咁好明顯係越貴就越穩定.  但係亦有d 平價既選擇係 ok 好用既.  又有 d 係擺明欺騙, 長期得 1Mbps 唔夠既速度.

不過係講邊隻得之前, 你首先要明白, 唔係直播睇片先需要一張有合理正常速度既sim 卡.  因為:

1. 你開google map 定位, load 個map , 全部都要用data 同網路.  你sim 速度越慢, 你定位亦一定越慢越唔準.

2. 係日本會開網站格下價, 睇下香港平d 定日本平, 如果得1Mbps 既速度, 係你平時香港用既 1/30 既速度.

3. 用whatsapp 既電話語音功能既話, 要穩定咁講到個whatsapp voice call,  係需要1Mbps 以上速度.

4. 因為速度低, 所以亦會影響到你就算有signal 都好似接收唔到咁, 篤極都唔郁.

重點係, 慳錢係應該.  不過太平買完張卡番黎, 去到用唔到或者要用佢個陣就慢到嘔既話, 你係無慳到錢, 你係倒左幾十蚊落海, 因為你俾左錢用唔到.  所以一張sim 卡, 係普通用google map, 覆whatsapp, 上facebook, 合理既速度係應該要有3Mbps 或以上.    等你有個比較, 香港我地用開既4G 服務, 係30Mbps 以上.  

所以, 係本站既speedtest, 如果圖既 download speed 係有10Mbps 或以上既話, 會係叫合理正常.  高過20Mbps 係會叫快.  快過30Mbps 會叫高速.

 

市面上有好多人都話Docomo 卡.   其實Docomo 只係個網路, 即係CSL 咁樣.  Docomo 既卡都有好多唔同牌子, 都係行Docomo 呢個網路.  每個牌子, 就算網路都係Docomo, 都有分別.  所以有人話Docomo 好快, 有人話Docomo 好慢就係咁解, 因為佢地買既係唔同價錢唔同牌子既卡黎.

每個牌子既Docomo 卡, 速度係可以好大好大分別.  買個陣可以留意以下幾點就中少d 伏.

1.  聲稱”無限數據, 不降速” 既卡.  死梗.  呢d 全部瑣係1Mbps .   最好真係買d 有白老鼠試過既無限卡.  因為太多聲稱係無限數據既, 其實係瑣速.   基本上見到”不降速” 呢3隻字就應該放番低, 佢”不降速”係因為慢到無得再降.  好多人買過呢d”不降速” 既卡中伏.  香港係真係有日本無限數據4G 既卡既, 不過我地白老鼠試過既得幾張係真係work.  請睇下面建議個段.

2.  要平既話買d 4GB 8日卡.  即係寫明用完4G速度既4GB 後會降速到3G 速度.  有限數據既反而速度會正常d.  正常如果你香港都唔會8日用到4GB , 咁係日本你亦應該唔會用得過4GB.

3.  好多卡係會寫住4GB 8日無限卡既, 後面多左”無限” 兩個字. 其實同 point 2 講緊既卡係一模一樣.  佢係講緊頭4GB 係4G 速度, 你用曬頭4GB, 就跌落極慢既3G 128kbps 速度.  呢個速度唔會用到google map 唔會用到youtube, 唔會上到網頁.  只夠你用文字whatsapp send 短信.  你可以當作係用唔到架啦當跌左落3G 速度的話.

4.   真無限4G 速度既卡, 係封面唔會寫住有幾多GB 數.  亦唔會寫住不降速呢d 字.  我所知既香港真4G 速度無限卡, 得1,2張.  留意下面無限date選擇個section.

5. 呢個世界好公平, 越貴越穩定同快.  所以就算Docomo 卡都有10幾個唔同牌子唔同價錢.

 

最後一樣要注意既係, 日本有3大網路商, Docomo , Softbank, 同 AU Kddi.   Docomo 亦係最大間.  所以香港買到既卡, 9成都係Docomo 卡.  最大既問題係, Docomo 用既band, 有2個band, 係香港好多既Android 手機都唔支援.  下面就係日本各網路商用既band.

 

首先講Docomo 同Softbank 既選擇.  呢個係網路名稱黎, 等同香港CSL vs Smartone 咁.   In general, 北海道郊區同沖繩郊區用docomo 係通常係會收得好d 既.  除左上面2個比較特別既地方之外, 你去其他大city 或者黐住JR 線玩的話, 其實Softbank 定Docomo 都係無分別.  係真係你要去到郊區, 無地鐵站到,  甚至山區, docomo先會有d咁多差別.  反而你部手機係咪support 需要既band 會重要好多好多.  乜野叫做你部手機有無support 需要既band?  其實每部手機可以收到既4G “band” 都唔同.  香港買既手機自然會收到晒香港用既4G “band”.  但係日本唔同既電話網路商用既”band” 都同香港好唔同, 咁就要睇下你部手機係咪”啱channel”.  你唔啱band當然會無訊號.    

 

Docomo 用既band 係 1, 3, 19, 21.  而band 1, 3, 19 係用得最多.  日本市區主要用band 1, 3.  而郊區係主要用Band 19.   以Android 成千上萬個model, 只有少部份既model 有support band 19.  而 iPhone 6 以上既model 就已經support band 19. 當如果你行程係會到郊外, 你手機又唔support band 19, 而去既地點得band 19 cover 個度的話,   你係好大機會係會無訊號.   所以你揀Docomo 卡既話, 你要知道你係唔係去郊區地方.  如果你去郊區既話, check 下你部手機有無support band 19 點先為之叫做郊外?  下面網站可以check 每個日本地區用乜野band 為主.   Band 19 only 既地方會係用紫色黎表示.  https://www.nttdocomo.co.jp/area/  好似下圖指住個d 紫色既地方就係只有band 19 cover.  你手機無band 19 support 而去個d 地方就必定斷線.

 

 

 

咁我可以點樣查部手機support 乜野band?   你可以係 http://www.gsmarena.com/search.php3? 搵到你部手機support 咩band.  當你搜索到你部電話, 就可以好似下圖個位置見到佢有咩band.  以下面呢部電話黎講, 係support band 1,2,3,4,5,7,8,17,20.   係無band 19 support.

 

所以你問我既話, 你如果用Android 機又唔知你部機有無Band 19 的話, 買番Softbank 網路既卡.  Softbank 既網路既卡, 香港d 電話係一定support 無問題.   用Docomo 卡係真係要夾電話.  有d 大陸電話係直頭用唔到Docomo 卡.

.

講左咁耐, 以現時既建議係咁.

8日內選擇:

無限data 選擇

多過8日選擇

多人而需要無限data 既選擇

  • 係日本租隻無限data 既 4G wifi 蛋.  550 yen 一日.   跟住, 求其搵d $70蚊最平既sim卡, 買人頭減1張.   Total 即係1隻日系wifi 蛋 + 人頭減一張既平價sim 卡, 加埋既錢除咁多份人就係每個人要俾既錢. (如果5個人去, 即係租1隻蛋 + 4張sim)  咁樣做法既話, 所有人一齊個陣就駁上隻無限data wifi 蛋. 分開行個陣都有d 平價sim 頂一頂send 到whatsapp.  可以睇下關於日本Wifi 蛋 既資料.

自己唔知部手機有無support band 19 或唔知有無support Docommo 卡既選擇

  • 正如上面講, 你如果部手機係無support band 19, 而又要去郊區既話, 你係好大機會跌落3G 甚至係無訊號.  你唔知你部手機有無support 既話, 最保險係買自由鳥 (Softbank) $15蚊一日.    AirSim (Docomo/Softbank) $18蚊一日,  CSL 全球路路通8日 5GB卡 (Softbank), 或者 AIS Sim2fly 6GB 8日上網卡 (Softbank). 因為呢幾張用Softbank 個network.  大部份香港手機都support 佢地用既band 1, 3, 8.

所有呢d 上網卡, 其實最齊係一定係深水埗鴨寮街. 個度買係一定成個香港最平.  問題係如果你住港島, 咁可能你網上買寄去自己屋企可能仲平d.  http://HKTVmall.com 實有大路既.  http://mypacemarket.com 都好多款揀.  另外LIHKG 旅遊post 內既”幻想達人”巴打都有相對地較平既郵寄選擇.  另一個方法就係759 阿信屋買自由鳥.

想知道更多唔同Sim 卡既speedtest 效能, 推呢頁上頂揀主頁.   去我地  Facebook專頁  或者係LIHKG.com旅遊台搵主貼 “[先睇頭post 再發問] 日本上網卡 Wifi 蛋 懶人包“, 都可以搵到我地既討論.

本站係需要你地既回報, 只有越多人report, 呢度既資料先會越準確.  所以, 係你去旅行之前, 請先download 呢個app.

iPhone

https://itunes.apple.com/hk/app/speedtest.net-speed-test/id300704847?l=zh&mt=8

Android

https://play.google.com/store/apps/details?id=org.zwanoo.android.speedtest&hl=zh_TW

去到當地市區 (非機場), run 個app 一次, 跟住screenshot 左個速度如下.  記住run 個app 個陣既地點.  如果有去郊區既話, 亦可以再run 一次.   

發表評論

This site uses XenWord.
Skip to toolbar