日本Wifi 蛋

有好多人誤解, 覺得而家係唔需要再租 Wifi 蛋, 因為sim 卡已經可以全面取代.  其實有幾個情況之下, 用 Wifi 蛋係仍然合理.

1. 你要真無限data 無限速4G 速度.  現時係已經無真無限4G 既日本sim 卡買.   sim 卡全部有每日限額, 過左之後就降速.  有真無限既只可以用wifi 蛋.  高用量既用家 (7日多過10GB~ 50GB) 用wifi 蛋會比用sim 卡平.
2. 你用緊Android 機, 你部機唔support band 19, 而你需要去郊區, 而郊區用Docomo 卡係只有band 19 cover.  即係你用你部Android 機係郊區會跌落3G 速度, 甚至無訊號.
3. 你追求現時市面買到既日本最高上網速度
4. 你短期 trip, 短過5日
5. 9成sim 卡都唔係即插即用, 要手動係手機set APN, 你完全唔知點做呢d 野.
6. 分開行已經唔係一個唔用wifi 蛋既原因, 因為5個人去, 5個人一人一隻香港系 wifi 蛋, 同每人買一張sim 卡係同價.

Wifi 蛋主要分2大類.  係日系wifi 蛋同香港系wifi 蛋.   最大既分別係速度, 同差一次電之後既持航力.

日系Wifi 蛋

• 價錢高, 平均都要 450 yen 一日.  主要係日本機場交收, 日元結算.  全部都係日本公司, 無香港分行, 但係有中文網頁.
• 速度最快, 快過所有可以買到既日本sim 卡.  速度50Mbps+ 以上.
• 覆蓋率最好, 因為日系wifi 蛋係用當地wifi 蛋model, 裡面插既係當地出既sim 卡, 用當地既APN server.  隻蛋亦1定可以用到晒當地既band, 即係一定唔會無訊號或落3G.
• 持航力無得輸, 可以用12~14小時.

香港系wifi 蛋

• 價錢平, 個價係無敵既.  主要係香港公司或香港機場交收, 港幣結算. 全部係香港公司.
• 速度較低, 有D聲稱無限數據既, 其實速度長期瑣係2Mbps.  要又無限又高速4G 既香港公司, 就真係要有白老鼠試先知.  幸運地, 我地blog 好多白老鼠試過邊間wifi 蛋速度係得既.
• 覆蓋率係市區一定無問題, 不過山區或北海道, 你就要問番.
• 好多係有個soft limit 每日會reset.
• 差唔多係所有香港租既wifi 蛋都有呢個問題.  就係好多用到8個鐘就無電.  即係你朝早9點出門, 下晝5點就會無電.  你係必須要帶尿袋.
• 咁即係香港系Wifi 蛋有無用?  有既, 因為價錢係無得輸.  你將就下, 都係一個選擇黎.

所以上面既問題, 可以用Wifi 蛋解決.

1. 如果你有好多人同行, 而又需要用好多data 既話, 有個平d 既方法, 就日本租隻無限data 既 4G wifi 蛋.  550 yen 一日.   跟住, 求其搵d $70蚊最平既sim卡, 買人頭減1張.   Total 即係1隻日系wifi 蛋 + 人頭減一張既平價sim 卡, 加埋既錢除咁多份人就係每個人要俾既錢.  (如果5個人去, 即係租1隻蛋 + 4張sim)  咁樣做法既話, 所有人一齊個陣就駁上隻無限data wifi 蛋. 分開行個陣都有d 平價sim 頂一頂send 到whatsapp.
   
2. 你用日本機場租既Wifi 蛋, 就算你去到再山卡拉地方, 用當地租既Wifi 蛋係一定support 晒所有Docomo 既band, 即係你唔需要為你手機無Band 19 而煩惱.
   
3. 現時最高速既日本上網方法, 就係日本機場租蛋.  速度如下
   
   
   
4. 好似香港既Klook Wifi , 呢檔野日租既話, 你短期用既話平過你買sim
   
5. 最後唔識set APN 既話, 用蛋就咁駁上wifi 就用到.  簡單好多

日系wifi 蛋可以係網上預訂, 日本機場攞.  日幣結算. 有以下幾間, 係有中文網頁既.  有d 係無限, 有d 最少都有20GB data.

http://tw.wifi-rental-store.jp/   –  450 yen 一日 個隻型號或以上.  (我地既speedtest 測試)

https://jcbglobalwifi.jp/tw/ – 有 JCB 信用卡既話, 可以用呢間.  600 yen 一日  (我地既speedtest 測試)

http://ninjawifi.com/tw/  – 長租會較平 (我地既speedtest 測試)

http://www.wifi-hire.com/tw – 長租會較平  (我地既speedtest 測試)

http://k-wifi.info/ – 其他wifi 蛋公司, 有d 係再平d, 不過只有日文網站.

香港系Wifi 蛋全部香港機場攞同還, 港幣結算. 速度慢d, 電量少幾個鐘, 不過同日系比較最少平一半. 將貨就價有以下既選擇

• Klook
• Wifi BB
• KKDay
• BananaWifi
• 爽Wifi
• 永安日本Wifi 蛋

日系Wifi 蛋 2018年既model 如下.  如果你租到既唔係呢d model, 亦即係你租個間公司唔係租緊日系Wifi 蛋.

http://internet-kyokasho.com/pocket-wifi-recommendation/

有料要報? 請去右下角條link 報料!